काठमडौं, १७ पुस । अब मुलुक लोडसेडिङमुक्त हुने भएको छ । निजी क्षेत्रबाट उत्पादित १३ मेगावाट र भारतबाट ल्याइएको ४० मेगावाट बिजुली राष्ट्रिय प्रसारण लाइनमा थपिएपछि मुलुक लोडसेडिङ मुक्त हुने भएको हो ।
आजको नागरिक दैनिकमा खबर छ– भारतबाट ल्याइएको बिजुली शनिबार रातिदेखि राष्ट्रिय प्रसारण लाइनमा थपिएको छ । भारतबाट ल्याइएको समेत ५३ मेगावाट बिजुली राष्ट्रिय प्रसारण लाइनमा थपिएको हो ।
बिजुली थपिएसँगै मुलुकभर लोडसेडिङ अन्त्य गर्न सहयोग पुग्ने अनुमान गरिएको छ ।

