झापामा स्कुटर दुर्घटनामा एकको मृत्यु

झापामा स्कुटर दुर्घटनामा एकको मृत्यु झापा, ११ पुस । कनकाई नगरपालिका–२ स्थित धनुषकोटीधाम दक्षिण शान्तिटोलमा आज अपरान्ह भएको स्कुटर दुर्घटनामा परेर एक जनाको मृत्यु भएको छ ।

 मृत्यु हुनेमा कनकाई नगरपालिका –३ निवासी ३६ वर्षीय कृष्ण पौडेल रहेको इलाका प्रहरी कार्यालय बिर्तामोडले जनाएको छ । द्रुत गतिमा गुडिरहेको को २८ प २६६० नम्वरको स्कुटर अनियन्त्रित भएर ढुङ्गामा ठोक्किदा उनको मृत्यु भएको इलाका प्रहरी कार्यालय बिर्तामोडका प्रहरी नायव उपरीक्षक केशवकुमार थेवेले जानकारी दिनुभयो । सोही स्कुटरमा सवार उनका २७ वर्षीय भान्जा शिव लुइँटेल घाइते भएको र उनको विर्तामोडस्थित वीएण्डसी हस्पिटलमा उपचार भइरहेको प्रहरीले जनाएको छ ।